Uwahoze ari Perezida w'ubufaransa mu rundi rubanza nyuma yo guhamwa níbyaha bya ruswa

 

Uwahoze ari perezida w’Ubufaransa, Nicolas Sarkozy, mu rubanza kuri uyu wa gatatu kubera ibirego byo gukoresha amafaranga atemewe mu matora yatsinzwe ubwo yashakaga kongera gutorerwa kuyobora ubufaransa mu mwaka wa 2012, ibi bije nyuma y'ibyumweru bibiri gusa nyuma yo guhamwa na ruswa.

ku ya 1 Werurwe, uyu mugabo w'imyaka 66 yabaye Perezida wa mbere w'ubufaransa wa nyuma y'intambara ukatiwe n'inkiko igihano k'igifungo  ubwo yahabwaga igihano k'igifungo cy'imyaka itatu harimo ibiri isubitse, kubera ibyaha bya ruswa no gukoresha nabi ububasha ahabwa námategeko.

iki kirego ni kimwe muri byinshi akurikiranwe ho kuva yava mu mirimo ye.

Sarkozy ahakana ibyaha byose ashinjwa, akavuga ko azira ubucamanza bushaka kwihorera kubera ibibazo biburimo atihanganiye ubwo yari akiri mu mirimo ye hagati ya 2007 na 2012.

Mu iburanisha ritangira ku wa gatatu, bikaba biteganijwe ko atazitabira, Sarkozy arashinjwa kuba yarakoresheje amafaranga menshi agera kuri miliyoni 20 z'amayero (miliyoni 24 $), mu  amatora yo mu mwaka wa 2012 yatsinzwe 

Aya mafranga yakoreshejwe  mu minsi ya nyuma yo kwiyamamaza, ubwo Sarkozy yihutiraga gukemura ikibazo gikomeye gitunguranye cyatanzwe na mukeba we w’abasosiyaliste Francois Hollande.

Abashinjacyaha bavuga ko abacungamari bari bamuburiye ko ibikorwa byo kwiyamamaza bitagomba kurenza miliyoni 22.5 z'amayero (miliyoni 26.7 z'amadolari) yo gukoresha mu cyiciro cya mbere n'icya kabiri cyo gutora, ariko Sarkozy akomeza gutsimbarara ku gukora ibikorwa byo kwiyamamaza byinshi.

Abagenzacyaha bavuga ko amafaranga yakoresheje mu cyiciro cya kabiri agera kuri miliyoni 43 z'amayero (miliyoni 51 $).