Hari ikintu cyihishe inyuma y'urukingo rwa AstraZeneca?

 

Danemarke na Noruveje byahagaritse gukoresha urukingo rwa COVID-19 rwa AstraZeneca mu gihe havugwa amakuru yo kuvura kw ’amaraso mu bantu bamwe bakiriye urwo rukingo. 

Inzego z’ubuzima zavuze ko ari intambwe yatewe mu rwego rwo "gukumira", nta sano y' ako kanya ihari iragaragara hagati yo kuvura kw' amaraso n' urukingo.

Nk'uko euronews dukesha iyi nkuru ikomeza ibivuga, ni amakuru mabi kuri AstraZeneca, ikigo gikora imiti gihuriweho na Suwede n' ubwongereza, nubundi cyari gisanganywe ibibazo byo gutinda gukora inkingo ndetse no kutizerwa neza kw'inkingo zabo, zikorwa na iniverisite ya oxford.

Ibyo twamenya ku rukingo rwa AstraZeneca

Uru rukingo rufite ibyiza byinshi: rurahendutse cyane kandi rworoshye kubika ugereranyije n'uwa pfizer na Moderna kandi rwahawe icyemezo cy'ubuziranenge cya green light n'inzego nyinshi zibishinzwe harimo ubwongereza, umuryango w'ubumwe bw'uburayi n'umuryango mpuzamahanga wita ku buzima, WHO.

Ibigo by'ubuziranenge byavuze ko uru rukingo rugira ingaruka zoroheje kandi zoroshye kwihanganira kandi ko rukingira covid-19.

Uru rukingo rushingiye ku turemangingo twahinduwe twa virus rusange zakuwe mu nguge.

Ikigo gishinzwe ubugenzuzi bw'imiti mu bwongereza cyasabye abantu gukomeza kwikingiza covid bakoresheje uru rukingo batitaye kuri raporo ziva mu bindi bihugu bigize umuryango w'ubumwe bw'uburayi bigamije gutuma uru rukingo rudakoreshwa cyane. 

Raporo zo kuvura kw'amaraso zakiriwe ntabwo zigaragaza imibare minini ugereranyije n'imibare yakabaye iboneka mu buzima busanzwe mu baturage bakingiwe, "niko yavuze, Dr Phil Bryan, umuyobozi wo mu bwongereza wita ku buzima n'ubuziranenge bw'inkingo.